VIDEO: Mane ameiangusha Senegal AFCON 2017

Striker wa Liverpool Sadio Mane alikosa mkwaju muhimu wa penati uliopelekea timu yake ya taifa ya Senegal kusukumwa n je ya Kombe la mataifa ya Afrika na Cameroon kufuzu hatua ya nusu fainali ya michuano hiyo kwa penati 5-4.


Mane ambaye ni mchezaji ghali zaidi wa kiafrika, penati yake ilipanguliwa na golikipa wa Cameroon Fabrice Ondoa, kabla ya Vincent Aboubakar kupachika penati ya ushindi kwa Cameroon.


Senegal ilikuwa na nafasi ya kushinda game hiyo katika muda wa kawaida lakini umahiri wa golikipa wa Cameroon Fabrice Ondoa ulikuwa kikwazo kikubwa kwa Simba wa Teranga na kushuhudia pambano hilo likifika hadi dakika 120 bila timu hizo kufungana.


Matokeo hayo yanamaanisha sasa Mane anatarajia kurejea haraka kuungana na klabu yake ya Liverpool ambayo ilichezea kipigo cha magoli 2-1 kutoka kwa Wolverhampton Wanderers Jumamosi kwenye mchezo wa FA Cup raundi ya nne.


Mchezo kati ya Senegal na Cameroon ulikuwa unazikumbusha timu hizo mchezo wao wa miaka 15 iliyopita ambapo zilikutana kwenye fainali huko nchini Mali.


Kwenye fainali hiyo, Cameroon iliifunga Senegal kwa magoli 3-2 kwa mikwaju ya penati baada ya dakika 120 kumalizika bila mshindi.


Cameroon inataraji kucheza nusu fainali na mshindi wa mechi ya robo fainali kati ya Democratic Republic of Congo au Ghana siku ya Alhamisi kutafuta timu itakayofuzu kucheza fainali .