Msanii M to the P aliyekuwa na marehemu Albert Mangwea nchini Afrika kusini hadi wakati umauti ulipomkuta amerejea nchini Tanzania ili kushiriki katika mazishi ya rafiki yake yatakayofanyika leo (May 6) nyumbani kwao Morogoro.
Mgaza Pende a.k.a M to the P aliyekuwa amelazwa katika hospitali ya st. Hellen Johannesburg amezungumza na Times Fm leo asubuhi, na ametumia nafasi hiyo kuwashukuru watanzania wote kwa maombi yao hadi amerudi Tanzania akiwa salama, na kwamba anaomba waendelee kumuombea kwani afya yake haijawa vizuri.
“Ndugu zangu watanzania, mimi ni Mgaza Pende, M to The P,nawashukuru sana kwa kuniombea mpaka muda huu nimeweza kuwasili Tanzania salama na tutakuwa pamoja kwenda kumzika ndugu yangu, kipenzi changu Albert Mangwea. Nawashukuru sana watanzania kwa kuniombea, asanteni na endeleeni kuniombea, hali yangu bado haijawa nzuri zaidi, asanteni.”
Bonyeza hapa kumsikiliza M to the P
Rest in Peace Albert Mangwea.
0 comments:
Post a Comment